ទីតាំងល្បែងស៊ីសងខុសច្បាប់មួយនេះ ដែលប្រជាពលរដ្ឋប្រាប់ថា ដុះស្លែជាយូរណាស់មកហេីយ តែទើបតែឃើញសមត្ថកិច្ចក្រុងសំពៅពូនចេញបង្ក្រាបនៅពេលនេះ សង្ស័យតែចរចាគ្នាមិនត្រូវក៏មិនដឹង..!?

(ក្រុងសំពៅពូន/ខេត្តកណ្តាល)

កាលពីរសៀលថ្ងៃព្រហស្បតិ៍ ១៤កើត ខែកត្ដិក ឆ្នាំរោងឆស័ក ព.ស. ២៥៦៧៨ត្រូវនឹងថ្ងៃទី១៤ ខែវិច្ឆិកា ឆ្នាំ២០២៤ វេលាម៉ោង ១៥ និង ០០ នាទី។

លោកវរសេនីយ៍ឯក_ឈុន_ជឺឈួន_អធិការនគរបាលក្រុងសំពៅពូន បានដឹកនាំកម្លាំងសហការជាមួយកម្លាំងនគរបាលវរៈសេនាតូចការពារព្រំដែនគោកលេខ៦០៥ បើកកិច្ចប្រតិបត្តិការបង្ក្រាបករណីល្បែងសុីសងដោយខុសច្បាប់(ល្បែងតាយសុីវនឹងល្បែងជល់មាន់)នឹងលួចឆ្លងដែនដោយខុសច្បាប់ នៅចំណុចភូមិព្រែកស្បូវ សង្កាត់សំពៅពូន ក្រុងសំពៅពូន ខេត្តកណ្ដាល។

ជាលទ្ធផលបង្ក្រាបបានជនសង្ស័យចំនួន ០៤នាក់ ពួកគេបានប្រព្រឹត្តសកម្មភាពលេងល្បែងសុីសងដោយខុសច្បាប់(ជល់មាន់និងតាយសុីវ)និងលួចឆ្លងដែនដោយខុសច្បាប់នៅចំណុចដីចំការស្វាយជាប់ព្រំដែនកម្ពុជា-វៀតណាម ស្ថិតនៅភូមិព្រែកស្បូវ សង្កាត់សំពៅពូន ក្រុងសំពៅពូន ខេត្តកណ្ដាល។