មេឈ្មួញផ្តល់ឧបករខុសច្បាប់អោយអ្នកនេសាទ ដើម្បីប្រម៉ូលផលត្រីក្នុងតំបន់អភិរក្សសត្វផ្សោត ជួរចាក់អង្កររហូតដល់អន្លង់ខ្សាច់សរ និងបន្តរទៅដល់កន្ទុយកោះម្នាស់ទៀត !

 

ខេត្តក្រចេះ ÷ តាមប្រភពព័ត៌មានពីប្រជាពលរដ្ឋល្អម្នាក់សូមមិនបញ្ចេញឈ្មោះបានអោយ គេហទំព័រ តាខ្មៅថ្មី ដឹងថា មេឈ្មួញប្រមូលផលត្រីឈ្មោះ តាវែង និងឈ្មោះ តាសំបូរ បានសម្រុកចុះទិញផលត្រីពីបទល្មើសនេសាទនៅរដូវទឹកសម្រកចាប់ពីខែធ្នូឆ្នាំ២០២៤មកដល់ខែមិនាឆ្នាំ២០២៥នេះ ជាក់ស្តែងបទល្មើសនេសាទមួយកន្លែងដែលកំពុងលាក់លាមយ៉ាងស្ងៀមស្ងាត់អស់ជាច្រើនខែឆ្នាំមកហើយ គឺនៅចំនុចអូតាលា ស្ថិតក្នុងភូមិ ឥន្ទជ័យ ឃុំបឹងចារ ស្រុក សំបូរណ៍ ខេត្តក្រចេះបច្ចុប្បន្នកំពុងតែមានការបិទបាំងបទល្មើសនេសាទនេះពីសំណាក់អាជ្ញាធរមូលដ្ឋាននិងជំនាញជលផលក្នុងតបន់ដែលមាន តាំងចាប់ពី អន្លង់ជួរចាក់អង្ករ ក្បាលកោះអង្គរុង បន្តរចុះមក អន្លង់ខ្សាច់សរនិងកន្ទុយកោះម្នាស់។

 ប្រភពដដែលបានបន្តរទៀតថា ករណីខាងលើនេះអ្នកនេសាទល្មើសច្បាប់ដែល មានឈ្មោះ ចយ  និងប្រពន្ធឈ្មោះ នី ដែលជាមេខ្លោង ធំកាងនៅចំនុចខាងលើនិងទិញឧបករណ៍នេសាទខុសច្បាប់អោយ ប្រព្រឹត្តបទល្មើសនេសាទ ក្នុងនោះរួមមានឈ្មោះ ស្រុង សូត្រ បូរនិងបក្សពួកជាច្រើននាក់ទៀតសរុប១០ទូក ។

ប្រជាពលរដ្ឋដដែលបានបន្ថែមថា ចំនែកសម្ភារៈចុះធ្វើសកម្មភាពបទល្មើសនេសាទមានឧបករណ៍ ក្នុងទូកនីមួយមានក្បាលឆក់ត្រជាក់ដ៏ធំ១គ្រឿង អាគុយចំនួន ២គ្រឿងនិងកន្ត្រងដងឫស្សីរំខ្សែភ្លើងមួយ ដើម ហើយធ្វើសកម្មភាពឆក់ បំផ្លាញពូជត្រីធម្មជាតិ ជាពិសេសមានផលប៉ះពាល់ដល់សត្វផ្សោតដែលជាសត្វកម្រ និង ប៉ះពាល់ដល់ត្រីមេពូជ ដូចជាត្រីគល់រាំងនិងត្រីរាជ្យជាដើម ដែលជាត្រីកម្រទៀតផង ។ ហើយត្រីទាំងនោះវារស់នៅក្នុងអន្លង់ទាំង៣ដូចបានរៀបរាប់ខាងលើ ហើយមិនតែប៉ុណ្ណោះទីតាំងទាំងនេះគឺជាផ្លូវចរាចរណ៍របស់សត្វផ្សោតដែលឡើងចុះពីអន្លង់មួយទៅអន្លង់ទៀតជារាងរាល់ថ្ងៃផងដែរ។

ប្រភពដដែលបានបញ្ជាក់ផងដែរថា ក្រុមអ្នកសាទល្មើសច្បាប់ទាំងអស់បានធ្វើសកម្មភាពឆក់ទាំងយប់ទាំងថ្ងៃ ជារៀងរាល់ថ្ងៃតែម្តង៕